Meistaradeild KS að hefjast

Í meistaradeild KS keppa knapar bæði sem einstaklingar og sem hluti af liði. Átta lið eru skráð til leiks og í hverju þeirra eru fimm knapar en á hverju móti keppa þrír knapar úr hverju liði og því eru 24 keppendur sem keppa í hverri grein. Einu sinni á hverju tímabili mega liðin senda "Leynigest" sem ekki er hluti af liðinu en keppir fyrir hönd þess í tiltekinni grein. 

 

Í ár eru liðin svona: Þúfur, Uppsteypa, Storm Rider, Íbishóll, Hrímnir, Equinics, Eques og Dýraspítalinn Lögmannshlíð. 

 

Síðustu þrjú árin hefur tamningameistarinn Mete Moe Mannseth unnið einstaklingskeppnina og á síðasta ári vann lið Leiknis hestakerra liðakeppnina. 

 

Hér fyrir neðan má sjá dagskrá tímabilsins í KS deildinni. Mótin fara öll fram í Svaðastaðahöllinni fyrir utan skeiðið sem haldið verður að Hólum í Hjaltadal þann 20. apríl. Alendis mun streyma beint frá öllum mótum deildarinnar.